Türkiyənin Nevşehir şəhərində azərbaycanlı qadın Tərhanə Yaman qonaq getdiyi evdə qətlə yetirilib.
Pravda.az-ın xəbərinə görə, iki uşaq anası olan 53 yaşlı Tərhanə Avanos rayonunda yaşayan Duran Aşar adlı tanışının evinə gedib. Tərəflər arasında bilinməyən səbəbdən dava çıxıb və Aşar ov tüfəngi ilə qadına atəş açıb. O, daha sonra yaşadığı evi tərk edib.
Yamandan xəbər ala bilməyən yaxınları Duran Aşarın evinə yollanıb və qapısı açıq evdə Tərhanənin meyiti ilə qarşılaşıblar. Hadisə yerinə polis çağırılıb. Yamanın cəsədi Nevşehir Dövlət Xəstəxanasının morquna aparılıb.
