Müsavat, ReAl partiyaları, D 18 təşkilatı və müstəqil namizədlər Bakı Şəhər İcra Hakimiyyətinin mitinqlə bağlı cavabını müzakirə edib.
Pravda.az-ın xəbərinə görə, bu barədə D18 hərəkatının sədri Ruslan İzzətli məlumat verib.
Müxalifət qərar verdi: Mitinq Bakının mərkəzində olmalıdır
R.İzzətli bildirib ki, müxalifət Lökbatanda mitinq keçirməyəcək: "Lökbatana getmirik. Mitinq şəhərin mərkəzində , insanların rahat gələ biləcəyi yerdə olmalıdır".
Qeyd: Müsavat, REAL partiyaları, D 18 təşkilatı və müstəqil namizədlər fevralın 16-sı seçki ilə bağlı Bakı şəhərində "28 May" metrostasiyasının qarşısındakı meydanda (Cəfər Cabbarlı heykəlinin qarşısı) mitinq keçirilməsi üçün BŞİH-ə müraciət etmişdi. BŞİH isə mitinqi keçirmək üçün onlara Lökbatan qəsəbəsi, 28 May küçəsi, "Neftçi" İdman Klubunun Qaradağ təlim idman bazasını ayırıb.
