“İnsan orqan və toxumalarının donorluğu və transplantasiyası haqqında” qanun qüvvəyə minib.
Pravda.az-ın məlumatına görə, qanun 5 fəsil, 35 maddədən ibarətdir.
Qanuna əsasən, canlı donordan transplantasiya məqsədilə yalnız böyrəyin biri, ağciyərin bir payı, qaraciyərin bir hissəsi, mədəaltı vəzin bir hissəsi, nazik bağırsağın bir hissəsi, dərinin bir hissəsi, sümük iliyi, kök hüceyrələr, meyit donordan isə transplantasiya məqsədilə ürək, ağciyər (ürək-ağciyər kompleksi), böyrəklər, qaraciyər, mədəaltı vəzi, mədə, bağırsaqlar, uşaqlıq, yuxarı və aşağı ətraflar, sümüklər, dəri-fassiya-əzələ kompleksi və onların seqmentləri, sümük iliyi, gözün buynuz qişası və kök hüceyrələri götürülə bilər. Azərbaycan Respublikasında ksenotransplantasiya (elmi-tədqiqat işləri istisna olmaqla) qadağan edilir.
Qanuna uyğun olaraq Nazirlər Kabineti donor orqanların götürülməsini və transplantasiyasını həyata keçirən tibb müəssisələri tibb müəssisələrin siyahısını təsdiqləyib.
Orqan donorluğu və transplantasiya sisteminə aşağıdakılar daxildir:
- müvafiq icra hakimiyyəti orqanının müəyyən etdiyi orqan (qurum);
