“Rusiyanın birja ekspertlərinin məlumatına görə, Moskva Fond Birjası yarandığı tarixdən ən böyük enişini yaşayıb. Rusiyanın Ukraynaya hərbi müdaxiləsinin ardınca birja indeksləri 35%-yə yaxın azalıb. 1997-ci ildə Rusiyanın defolt olduğu maliyyə böhranında birja indeksləri 20%-fən bir qədər çox olmuşdu. Mərkəzi Bankın müdaxiləsi həftənin son 2 günündə rublun kəskin dəyər itirməsini, valyuta bazarlarının sərt çöküş yaşamasının qarşını ala bildi. Amma birja ekspertləri Mərkəzi Bankın aktivlərindən istifadə imkanın da məhdudlaşdırılmasını nəzərdə tutan qlobal sanksiyaların öz təsirini sabah - yəni birjaların ilk iş günündə daha ciddi çöküşlərlə müşahidə olunacağını gözləyirlər. Birja analitikkərinin dediyinə görə, böhranında Mosbirja indekslərinin öz əvvəlki səviyyəsini bərpa etməsi üçün 1997-ci ildə 560 gün, 2008 böhranında isə 180 gün lazım olub. Bu da çöküşün daha dərin olması ilə yanaşı həm də daha uzunmüddətli ola biləcəyilə bağlı gözləntilər çoxdur”.
Pravda.az-ın xəbərinə görə, bunu ekspert Rövşən Ağayev bildirib.
