Azərbaycanın Ukraynadakı səfirliyi Kiyevdə tətbiq edilən komendant saatı ilə bağlı Azərbaycan vətəndaşlarına müraciət edib.
Pravda.az xəbər verir ki, müraciətdə deyilir:
“Komendant saatı zamanı piyada gəzmək qəti qadağandır. Kiyevdə komendant saatı bu gündən saat 20:00-dan 07:00-dək davam edəcək. Bu zaman yalnız Kiyev şəhərinin Hərbi Komendantının yeni tipli xüsusi buraxılışa malik olanlar şəhər ətrafında hərəkət edə bilər. Əvvəllər verilmiş buraxılışlar ləğv edilir.
