BURADA REKLAMINIZ OLA
BİLƏR

“Sonadək əlimizdən gələn köməyi etməyə hazırıq” - Oleq Krapivin

“Ukraynada 15 gündür ki, müharibə gedir. Bu günə qədər çoxlu sayda həmvətənimizi Türkiyə, Moldova və Rumıniyaya yol salmışıq. Təxliyə ilə bağlı bizə gün ərzində təxminən 500-600 zəng gəlir. Azərbaycan vətəndaşlarının çoxu Ukraynanı artıq tərk edib”.

 

Bunu Pravda.az-a açıqlamasında Ukrayna Azərbaycanlıları Radasının həmsədri Oleq Krapivin bildirib.

 

O deyib ki, bu çətin günlərdə Ukraynaya kömək edilməlidir: “Biz burada yaşamışıq, dost ölkəyik. Sonadək əlimizdən gələn köməyi etməyə hazırıq".

 

Azərbaycan-Ukrayna parlamentlərarası əlaqələr üzrə işçi qrupunun rəhbəri Rüfət Quliyev isə bildirib ki, başda Azərbaycan Xarici İşlər Nazirliyi olmaqla, dövlət qurumlarımız vətəndaşlarımızın Ukraynadan təxliyəsində fəal iştirak edirlər: “Polşa, Rumıniya, Moldova, Çexiya və Türkiyədən Azərbaycan vətəndaşları, Azərbaycan əsilli şəxslər aviareyslərlə ölkəmizə gətirilir. Bu da Azərbaycan dövlətinin vətəndaşlarımıza diqqətinin təzahürüdür. Eyni zamanda, Ukraynada diasporumuzun Oleq Krapivin, Ceyhun Məmmədov kimi rəhbərləri, Xarkovdakı fəxri konsulumuz Əfqan Salmanov vətəndaşlarımızın yola salınmasında çox fəal iştirak edirlər. Minlərlə azərbaycanlı artıq evakuasiya edilib, kömək göstərilib. Ehtiyacı olanlar dərman, ərzaq və digər zəruri vasitələrlə təmin ediliblər. Belə həmvətənlərimizlə fəxr edirik”.

 

Nəzrin Cavid

Tarix: 10 Mart 2022, 18:46   
Xəbər lenti
Çox oxunanlar

Ən son xəbərləri səhifəmizdən də izləyin