BURADA REKLAMINIZ OLA
BİLƏR

“Azərbaycan və Türkiyə arasındakı münasibətlər bütün dövlətlərə nümunə kimi göstərilir” - RƏY

“Azərbaycan və Türkiyə arasındakı münasibətlər bütün xalqlara və dövlətlərə nümunə kimi göstərilir. Bu, hər iki dövlətin "bir millət, iki dövlət" şüarına əməldə də riayət etmələrinin sübutudur. Azərbaycan və Türkiyəni əslərdən bəri mövcud olan tarixi köklər, eyni din və eyni dil birləşdirir. Bu bağlar iki ölkə liderinin şəxsi münasibətlərində daha sıx bağlarla biri-birinə bağlandı. Türkiyənin problemi bizim, Azərbaycanın problemi də Türkiyənindir”.

 

Bunu Pravda.az-a açıqlamasında Milli Məclisin deputatı Vüqar İskəndərov deyib.

O bildirib ki, iki dövlətin həm geosiyasi, həm də regional məsələlərdə ortaq qərarlar qəbul etməsi heç kimə sirr deyil və heç bir dövləti heyrətləndirmir: “Bu, qəbuledilmiş həqiqətdir. Cənab Prezident İlham Əliyevin Türkiyəyə bu gün baş tutan uğurlu səfəri də sağlam münasibətlərin təzahürüdür. Prezident Ərdoğanla ikitərəfli müzakirələr aparıb, Cənubi Qafqazda baş verən hadisələr, Rusiya-Ukrayna müharibəsi müzakirə edilib. Onu da qeyd etmək lazımdır ki, "Şuşa" bəyannaməsinin imzalanması həm də iki ölkənin parlamenti arasında dostluq münasibətlərinin möhkəmliyindən xəbər verir. Bu gün Türkiyə və Azərbaycan eyni amala və siyasətə xidmət edir. Bu siyasətin mayasını dostluq, qardaşlıq, qonşularla sağlam münasibətlərin qurulması təşkil edir. Hazırda hər iki dövlət qlobal problemlərin həll edilməsində də barışdırıcı rol oynayır”.

 

Nəzrin Cavid

Tarix: 10 Mart 2022, 19:25   
Xəbər lenti
Çox oxunanlar

Ən son xəbərləri səhifəmizdən də izləyin