BURADA REKLAMINIZ OLA
BİLƏR

“Əvvəldən bilinirdi ki, Qərb Ukraynanın yanında olmayacaq” – ŞƏRH

“Ukrayna və Rusiya bu müharibədə anqlosaksların ssenarisinin qurbanı olub. Görünür, yeni dünya düzənində Rusiya özünü daha yüksəklərdə görmək istəyir. Ona görə də münaqişənin yaranmasında maraqlı olan tərəflər Rusiyanı münaqişəyə çəkdilər. Ümumi gediş göstərdi ki, müəyyən kənaraçıxmalar olsa da, münaqişə Qərbin planı üzrə davam etdi. Lakin əvvəldən bilinirdi ki, Qərb Ukraynanın yanında olmayacaq, çünki münaqişəyə girən tərəfə yalnız silah və pul verilməsi şirnikləndirmə xarakteri daşıyır”.

 

Bunu Pravda.az-a açıqlamasında politoloq Cümşüd Nuriyev deyib.

Politoloq qeyd edib ki, Qərb Ukrayna Prezidenti Volodimir Zelenskinin təcrübəsizliyindən və Ukrayna xalqının milli ruhunun yüksək səviyyəsindən yararlandılar: “Rusiya mövcud durumu neofaşizmlə əlaqələndirsə də, Ukrayna xalqı, sadəcə olaraq, azad, sərbəst olmaq istəyirdi. Qərb münaqişədən əvvəl başqa, sonra başqa cür danışırdı. Hazırda Ukraynaya ayırdığı 36 milyard dollar yardımı müharibədən əvvəl göstərməli idi. Rusiya aparacağı müharibə üçün əvvəlcədən informasiya əsası hazırlayırdı. Qərb Rusiyanın təhdid və təkidlərinə reaksiya vermədi və indi də onun acı nəticələrini yaşayır. Rusiya-Ukrayna müharibəsi, həmçinin, beynəlxalq təşkilatların işə yaramadığını gündəmə gətirdi".

 

Nəzrin Cavid

Tarix: 11 Mart 2022, 16:25   
Xəbər lenti
Çox oxunanlar

Ən son xəbərləri səhifəmizdən də izləyin