“Dünyada baş verən siyasi katakalizmlər, müharibə və münaqişələr yeni siyasi arxitektura formalaşdırıb. Xüsusilə də dövlət müstəqilliyi yüz illərlə ölçülməyən kiçik dövlətlər üçün belə çətin dövrdən üzüağ çıxmaq çox çətindir. Azərbaycan həmin ölkələrdəndir ki, cəmi 30 illik müstəqillik tarixinə malik olmasına və mürəkkəb relyefi olan regionda yerləşməsinə baxmayaraq, bütün problemlərə sinə gərərək torpaqlarını XXI əsrdə beynəlxalq hüquq normalarına əməl edərək işğaldan azad edib. Azərbaycan yeni siyasi konfiqurasiya formalaşdırıb və bölgənin lider ölkəsidir. Radikal müxalifət isə hələ də öz ampulasındadır. Onlar təkcə iqtidar və hökumətlə deyil, həm də dövlətlə müxalifətçilik etmək yolunu tutublar. Radikal müxalifət hər şeyə “qara” deməklə müxalifətçilik etdiyini düşünür. Təəssüf ki, həmin dairələr müasir dövrün tələblərini anlamırlar. Müxalifət özünü yeniləməli, arxaikləşmiş siyasi şüar və ideyalardan əl çəkməli, çevik siyasət həyata keçirməlidir”.
Bunu Pravda.az-a açıqlamasında Milli Məclisin deputatı Vüqar İskəndərov bir qrup ictimai fəalın Bakının mərkəzinə mitinq təyin etməsinə münasibət bildirərkən deyib.
