“Dövlət təqaüdə çıxan, eləcə də sabiq prezidentlərə diqqətlə yanaşır. Diqqət edin, bir neçə il əvvəl Azərbaycanın eks-prezidenti Əbülfəz Elçibəyin evi Heydər Əliyev Fondu tərəfindən əsaslı təmir edilib. Sabiq Prezidentin ailəsinə olan münasibət, evinin təmiri və övladlarının təminatı Azərbaycan Respublikasının qanunları ilə tənzimlənir. Yəni, İsa Qəmbərə 180 manat pensiya təyin edilməsi ilə bağlı siyasi motivlər müzakirə mövzusu deyil. Sadəcə olaraq, mövcud qanunvericiliyə əsasən, minimum pensiya almaq üçün 2 şərtdən biri mütləq ödənməlidir. Pensiya alacaq şəxs ya 25 illik staja, ya da minimum pensiya kapitalına malik olmalıdır”.
Bunu Pravda.az-a açıqlamasında Milli Məclisin deputatı Vüqar İskəndərov deyib.
