Avropa İttifaqının (Aİ) rəsmisi koronavirusa yoluxub.
Pravda.az-ın xəbərinə görə, bu barədə Aİ sözçüsü Dana Spinant bildirib.
O deyib ki, koronavirusa yoluxan şəxs Brüsseldə Aİ-nin Müdafiə Agentliyində çalışır və bu yaxınlarda İtaliyadan qayıdıb.
Avropa İttifaqının rəsmisi də koronavirusa yoluxdu
Həmin şəxs İtaliyadan qayıtdıqdan sonra səfərin yekunu və nəticələri ilə bağlı Aİ-nin 30 rəsmisi ilə 4 saatlıq görüş keçirib.
Ötən həftənin şənbə günü koronavirusa yoluxan şəxsin vəziyyəti pisləşib və ondan götürülən analizin cavabı müsbət çıxıb.
D. Spinant qeyd edib ki, Aİ-nin Müdafiə Agentliyinin bu həftəyə planlaşdırılan bütün iclasları təxirə salınıb və həmin şəxslə görüşən digər rəsmilərdən də analizlər götürülüb.
