"Grand Motors" MMC "Bakı 9 №-li Yol İstismarı” MMC-ni məhkəməyə verib.
Pravda.az-ın əldə etdiyi məlumata görə, bu barədə şirkət Bakı Kommersiya Məhkəməsinə müraciət edib.
Belə ki, "Grand Motors" alqı-satqı müqaviləsi üzrə mübahisələr barədə tələb irəli sürüb.
İddia hakim Zaur Pirverdiyevin sədrliyi ilə araşdırılacaq.
Məhkəmənin hazırlıq iclasının vaxtı hələlik açıqlanmayıb.
Qeyd: “Grand Motors” MMC 2005-ci ilin sentyabr ayında təsis edilib. Azərbaycan bazarının tikinti, kənd təsərrüfatı, istirahət və əyləncə sektorunu hədəf götürən şirkət ağır texnika və yük avtomobillərinin ölkəyə idxalını və satışını həyata keçirir.
Kamal Məmmədov
