"Cənab Prezident İlham Əliyev növbəti dəfə humanistliyini, hər bir vətəndaşın taleyini diqqətdə saxladığını nümayiş etdirdi. 213 məhbusun əfv edilməsi həm də həmin insanların ailə üzvlərinin, dostlarının sevinci deməkdir. İl ərzində bir neçə dəfə Azərbaycan üçün önəmli olan tarixi günlər ərəfəsində əfv sərəncamlarının şahidi oluruq. Bu siyahıya xarici ölkə vətəndaşlarının da adının daxil edildiyini görürük. Cənab Prezident daim bu məsələləri diqqətdə saxlayır. Azərbaycanda cəza siyasəti ildən-ilə daha da humanistləşir. Bəzi məhbusların ev dustaqlığına buraxılması da bu qəbildən olan məsələlərdir".
Bu sözləri Pravda.az-a açıqlamasında Milli Məclisin deputatı Aydın Mirzəzadə deyib.
