“Prezident İlham Əliyevin imzaladığı növbəti əfv sərəncamı 213 nəfər məhkuma şamil edilib və ictimaiyyət tərəfindən yüksək qiymətləndirilir. Ümumiyyətlə, bu sərəncam sayca 36 -cı olmaqla, ölkə başçısının fəaliyyətində hər zaman nümayiş etdirdiyi humanizm prinsiplərinə sədaqətinin bariz nümunəsidir. Müxtəlif dövrlərdə cinayət törətmiş, lakin qanunvericiliyə əsasən, cəzasının müəyyən hissəsini qüsursuz çəkmiş, şəxsiyyəti, eyni zamanda səhhəti, ailə vəziyyəti, törətdikləri cinayətlərin xarakteri və ictimai təhlükəlilik dərəcəsi aşağı olan məhkumlar əfv sərəncamından yararlanırlar”.
Bu sözləri Pravda.az-a açıqlamasında Milli Məclisin deputatı Nəsib Məhəməliyev deyib.
