“28 May - Müstəqilliyin Bərpası Günü ilə bağlı bir çox siyasi təşkilatlar Məhəmməd Əmin Rəsulzadənin abidəsini ziyarət edir və orada kiçik tədbirlər təşkil edirlər. Demək olar, o tədbirlərin heç birində xüsusi insident baş vermir. Keçirdiyimiz tədbir siyasi tədbirdir, amma buna iqtidar-müxalifət deyil, dövlətçilik prizmasından baxmaq lazımdır. Aidiyyatı qurumların həmin günə aid olmayan heç bir şüarın səsləndirilməyəcəyi və ya tədbirin siyasi rəqabət predmetinə çevrilməyəcəyi ilə bağlı xəbərləri var idi. 300-dən artıq Ağ Partiya üzvü toplaşmışdı . Sadəcə, polis zabiti bir az canfəşanlıq etdi, insanlara kobudluqla “Dağılışın!” “Tez gedin!” şəklində səsləndi. Dedim ki, səbrli olun, onsuz da əvvəlcədən məlumat verilib. Bilmirəm, o polis özünü rəisə göstərmək istəyirdi, ya necə. Orada xüsusi bir şou düzətməyə nə həvəsim, nə də aqressiyam da var idi...”
Bunu Pravda.az-a Ağ Partiyanın sədri Tural Abbaslı deyib.
