“Azərbaycanla Ermənistan arasında münasibətlərin normallaşması çox çətin məsələdir. Əlbəttə, bu proses müəyyən istiqamət üzrə davam edəcək, amma hər halda mənə elə gəlir ki, burada zaman lazımdır. Adi yaranın belə, sağalması üçün zaman tələb olunur. Əlbəttə, ermənilərin bizə qarşı etdiklərini unutmaram. Bir də onu deyim ki, biz elə unutduğumuz üçün hər şey bu şəkildə oldu. Unutduq ki, belə hal ikinci dəfə başımıza gəldi. Yəni, bu, çox çətin və uzun prosesdir. Şəhid analarının gözünün yaşı qurumalıdır, onları sakitləşdirməliyik, üstəlik qazilərimizin müalicəsi də davam edir. Babam İkinci Dünya Müharibəsində yeddi yerdən yaralanmışdı. Bütün dünya, eləcə də Sovet adamları üçün müharibə 1945-ci ildə qələbə ilə bitmişdi. Amma bizim üçün müharibə davam edirdi. Babamın yaralarının ağrısını biz o, ölənə qədər çəkdik…”
Bunu Pravda.az-a açıqlamasında Azərbaycanın Xalq artisti Şamil Süleymanov deyib.
