BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Məgər sənət adamlarının bir çoxu kəndlərdən çıxmayıb?” – Şəhərli-kəndli mübahisəsi..

“İllərdir ki, mənasız və heç bir ictimai-kulturoloji mahiyyət kəsb etməyən kənd və şəhər mübahisənin şahidi oluruq. Bu mübahisə əslində daha çox XX əsrdə Bakını zəbt etmiş ermənilər və digər millətlərin nümayəndələri tərəfindən ortaya atılırdı. Azərbaycan musiqisinin Üzeyir Hacıbəyov tərəfindən istiqamətinin bir qədər dəyişdirilərək Şərq musiqisindən, Qərb musiqisinə istiqamətlənməsindən istifadə edən və bizi sevməyən bir çox insan total şəkildə Azərbaycan xalq musiqisinə - meydan, toy-məişətdə istifadə edilən musiqiyə, eləcə də incəsənətin müxtəlif sahələrinə hücum etməyə başladılar. Azərbaycanın xalq, meydan mahnıları, toylarda saz, tar, kaman müşayiəti ilə ifa olunan musiqilər tamamilə fərqli janrdır. Bunları bəstəkar mahnıları üz-üzə qoymaq səhlənkarlıq, xalqa qarşı olan düşmənçilik və bizi sevməyən ermənilərin, eləcə də digər xalqların dəyirmanına su tökmək kimi bir şeydir.”

 

Bunu Pravda.az-a açıqlamasında yazıçı-kulturoloq Aydın Xan Əbilov deyib.

 

A.Əbilov qeyd edib ki, keçmişdə rus dilli insanların yuxarıdan aşağıya baxdığı təbəqə məhz kənddən gələn musiqiçilər idi: “Həmin musiqiçilər analarımızın oxuduğu laylaların avazı ilə milli ruhumuzu qoruyub saxlayırdılar. Məhz muğamlar, saz musiqisi bizim milləti sovet rejiminə, xarici təcavüzə qarşı qoruyub saxlayıb. Yəni musiqi bütün əsarətlərə qarşı kulturoloji bir müqavimət kimi fəaliyyət göstərib. Bu baxımdan indi də hansısa bir müğənni köhnə, çox təhlükəli olan bu tendensiyanı savadının, intellektinin əsiri olaraq bilmədən ortaya atıb. Məgər sənət adamlarının bir çoxu kəndlərdən çıxmayıb? Üzeyir Hacıbəyov, eləcə də digər dahi bəstəkarlarımız, müğənnilərimiz məgər Bakıdan olub? Yəni bir çox tanınmış musiqiçilərimiz, sənətçilərimiz rayonlardan, kəndlərdən olublar. Çox qəribədir ki, rus dillilərin insanları “mən şəhərliyəm, dəbdə olmalıyam, onlar kənddən gəliblər “çuşka”dılar” düşüncəsi ilə aşağılaması guya onların böyüklüyünü sübut edir. Belə hallara qətiyyətlə “yox” demək lazımdır. Biz bu cür təhlükəli tendensiya ilə xalqı ayıran insanlara “Yerində otur” deməyi bacarmalıyıq”.

 

Leyla Yusubova

Tarix: 23 İyun 2022, 12:52   
-->
Xəbər lenti
Çox oxunanlar

Ən son xəbərləri səhifəmizdən də izləyin