BURADA REKLAMINIZ OLA
BİLƏR

BURADA REKLAMINIZ OLA
BİLƏR

Adil Əliyev: “Suverenliyimiz bərqərar edilib, bayrağımız Vətən göylərində böyük məğrurluqla dalğalanır” - FOTO

“Diasporla İş üzrə Dövlət Komitəsində şair-publisist, “Axısxa” qəzetinin və “Türk Birliyi” jurnalının baş redaktoru Rövşən Məmmədoğlunun (İsmayılov) “Qarabağ Azərbaycandır!” şeirlər kitabının təqdimat mərasimində iştirak etdik. Tədbirdə ilk növbədə Prezident İlham Əliyevin müvafiq Sərəncamına əsasən, Azərbaycan diasporu ilə iş sahəsində dövlət siyasətinin həyata keçirilməsində səmərəli fəaliyyətinə görə təltif olunmuş DİDK sədrini və əməkdaşlarını təbrik edib, fəaliyyətlərində uğurlar arzu etdik”.

 

Pravda.az-ın xəbərinə görə, bunu Milli Məclisin sədr müavini Adil Əliyev bildirib.

 

““Qarabağ Azərbaycandır!” kitabı Şanlı Zəfərimizə həsr edilib. 2020-ci ilin sentyabrın 27-də Müzəffər Ali Baş Komandanın rəhbərlik etdiyi rəşadətli Ordumuz 30 ilə yaxın müddət ərzində işğalda qalmış torpaqlarımızı cəmi 44 gün ərzində işğaldan azad edərək, bizlərə Qələbə sevinci yaşatdı. Bu gün torpaqlarımız azaddır, ərazi bütövlüyümüz bərpa, suverenliyimiz bərqərar edilib, bayrağımız Vətən göylərində böyük məğrurluqla dalğalanır. Eləcə də, cənab Prezidentin 4 oktyabr 2019-cu ildə Valdayda “Qarabağ Azərbaycandır və nida” deməsi, bu fikirləri reallığa çevirməsi, hər birimiz üçün fəxrdir. Dövlət başçısının bu şüarı əsasında çap edilmiş “Qarabağ Azərbaycandır!” kitabını olduqca yüksək qiymətləndirirəm. Kitabda qəhrəmanlarımız, şəhid ailələri, iki qardaş ölkə olan Azərbaycan-Türkiyə münasibətləri, həmçinin vətənpərvərlik mövzularına həsr edilmiş şeirlər öz yerini alır. Müəllifə, “Qarabağ Azərbaycandır!” kitabının ərsəyə gəlməsində rolu olan şəxslərə və DATÜB-ə minnətdaram. Nəşr Qazaxıstanda və digər türk dövlətlərində yayılmasının Azərbaycan həqiqətlərinin təbliği baxımından böyük əhəmiyyət kəsb edir” – A.Əliyev qeyd edib.

Fotoları təqdim edirik
Tarix: 6 İyul 2022, 10:38   
-->
Xəbər lenti
Çox oxunanlar

Ən son xəbərləri səhifəmizdən də izləyin