“Azərbaycanda xəstəliklər yayılan zaman hədəfdə olan qurumlar Səhiyyə Nazirliyi, TƏBİB və İcbari Tibbi Sığorta üzrə Dövlət Agentliyi olur. Təbii ki, sabah xəstəliklərin, yoluxmaların sayı artdıqda insanlar səhiyyə sisteminə cavabdeh olan qurumları günahlandıracaqlar. Bunu başa düşmək olar. Dərman tapılmayanda, həkimlərin vaxtı olmyanda, xəstəxanalarda çarpayıların sayı çatışmayanda və s. bu kimi problemlər yarananda insanlar narazı qalacaqlar, Səhiyyə Nazirliyi, TƏBİB və İcbari Tibbi Sığorta üzrə Dövlət Agentliyini tənqid etməyə başlayacaqlar. Ona görə bu qurumlar qabaqlayıcı tədbir olaraq insanlara çağırışlar edirlər. Dövlətin rəsmi qurumları belə çağırış edirsə, diqqətlə qulaq asmaq və əməl etmək lazımdır. Tövsiyə edərdim ki, hər kəs özünü, yaxınlarını qorusun və dövlətin bu sahədə olan çağırışlarına qulaq assın. Xəstəliklər yayılırsa, deməli, narahatlıq var. Ona görə də dövlət orqanları insanlara xəbərdarlıq edir”.
Bunu Pravda.az-a açıqlamasında Milli Məclisin deputatı Razi Nurullayev deyib.
