Abşeron rayonunda küçədə qadın qızının sinif yoldaşının anasını döyərək burnunu sındırıb.
Pravda.az-ın əldə etdiyi məlumata görə, bu barədə Abşeron Rayon Məhkəməsində elna olunub.
Bildirilib ki, hadisə Novxanı kəndində qeydə alınıb.
Belə ki, Leyla Quliyeva (ad, soyadı şərti) günorta saatlarında məktəbdən qayıdan zaman qzı Səbinənin (ad, soyadı şərti) sinif yoldaşı Səmanın (ad, soyadı şərti) anası Günay Səlimova (ad, soyadı şərti) ilə qarşılaşıb. Günay Salahova Leylaya deyib ki, Səbinə qızı Səmanı məktəbdə incidir. Bu səbəbdən qadınlar arasında mübahisə düşüb. Daha sonra mübahisə qarşılıqlı olaraq dala-dalaşla nəticələnib. Baş vermiş dava-dalaş zamanı Leyla Quliyeva Günay Salahovanın sifət nahiyəsinə yumruq zərbəsi vurub. Nəticədə Leyla Günaya burun üstü nahiyəsinin əzilmiş yarası, burun sümüyünün qapalı yerdəyişməyən sınığı, sol alt göz qapağı nahiyəsinin qançırından ibarət, sağlamlığın qısa müddətə pozulmasına səbəb olan, qəsdən sağlamlığa yüngül zərərvurmaya aid bədən xəsarəti yetirib.
Məhkəmə baxışında Leyla Quliyeva ona irəli sürülmüş ittiham üzrə özünü təqsirli bilib. O ifadəsində göstərib ki, hadisə günü saat 12 radələrində məktəbdən qayıdan zaman yolda qızı Səbinənin sinif yoldaşı Səmanın anası Günayla ilə rastlaşıb:
