Özünü yandıraraq intihar edən Vətən Müharibəsi qazisi Elvin Cəfərovun intiharından əvvəl videosunu çəkən şəxsin qazi Səfər İlham oğlu Hüseynov olduğu bildirilir.
Elvin Cəfərovun qardaşı Elnur Cəfərov Pravda.az-a açıqlamasında deyib ki, bu məsələ ilə aidiyyəti qurumlar məşğul olur: “Mən əvvəldən videonu kimin çəkdiyi barədə soruşub öyrəndim. Səfər Hüseynov dedi ki, mən çəkmişəm. O, bunu deyəndə heç nə demədim. İki yas burda oldu. Yasın 3-cü günündə dedim ki, burda olma, evə get. Ondan başqa heç nə deməmişəm. Sonra da aidiyyəti üzrə çağrılıb, Səfər Hüseynovdan bu barədə izahat da alınıb, sorğu-sual olunub. Bu gün qardaşımın yeddi mərasimidir, başımız qarışıqdır. Mərasim bitəndən sonra, çox güman ki, sabah Allahın izni ilə məni də aidiyyəti qurumlar çağıracaq. Özüm də onlarla görüşəcəyəm”.
