“Aydın görünür ki, Ermənistanın baş naziri Nikol Paşinyan Azərbaycan Prezidenti İlham Əliyevlə birlikdə Ermənistan və Azərbaycan arasında sərhədin demarkasiyası, Qarabağ probleminə birdəfəlik son qoyacaq sülh sazişinin hazırlanması istiqamətində irəliləmək istəyir. Ermənistanda baş verənləri müşahidə edən hər kəs görür ki, oradakı radikal müxalif qüvvələr Paşinyanın Azərbaycana yönəlik olan müsbət hər hansı bir iş görməsinə ciddi etiraz edirlər. Düşünürəm ki, Ermənistanın siyasi sistemində Paşinyanı fiziki təhdid edənlər var. 1990-cı ilin sonlarında Qarabağ münaqişəsi istiqamətində irəliləyişlərin olacağı görünürdü və bu zaman Ermənistan parlamentinin zalında erməni siyasi liderlərinə qarşı qətllər və sui-qəsdlər baş verirdi. Paşinyan da bu cür təhdid və qorxularla üz-üzədir. Hesab edirəm ki, onun ətrafındakı yüksək vəzifəli məmurlar cəsarət və qətiyyətə malik deyillər. Ona görə də Baş nazir özü bu problemin həllində irəli getməyə çalışmalıdır.”
Bunu Pravda.az-a açıqlamasında ABŞ-ın Azərbaycandakı sabiq səfiri Metyu Brayza deyib.
