İngiltərədən olan həvəskar bağban dünyanın ən uzun xiyarını yetişdirib.
Pravda.az-ın xəbərinə görə, tərəvəzin uzunluğu 1,1 metrdir
Bu uğurun sahibi Sauthemptondan olan Sebastyan Suskidir.
Onun sözlərinə görə, uzun müddətdir ki, uzun xiyar yetişdirir və bir neçə ildir Ginnesin Rekordlar Kitabına düşməyi planlaşdırırdı.
"Mənim dünya rekordu qırmaq üçün heç vaxt kifayət qədər vaxtım olmayıb", - bağban deyib.
Sebastyan əlavə edib ki, həddindən artıq uzun xiyar yetişdirmək riskli bir işdir.
"Onları çox erkən qopartsanız, rekordçu olmayacaqsınız, ancaq xiyarlara çox uzun müddət əl vurmasanız, xiyar çürüyə bilər", - bağban vurğulayıb.
O, rekordundan danışaraq, özü xəstəxanada olarkən tərəvəzlərə baxan arvadı Renataya köməyə görə təşəkkür edib.
"Əgər Renata olmasaydı, bu rekorda sahib olmazdım", - Sebastyan deyib.
Lent.az
