BURADA REKLAMINIZ OLA
BİLƏR

BURADA REKLAMINIZ OLA
BİLƏR

Vahid Əhmədovdan gedişhaqlarının artırılması ilə bağlı açıqlama: “Hökumət hansı variant məqbuldursa, onu qəbul edəcək”

Milli Məclisin deputatı Vahid Əhmədov sərnişindaşıma şirkətlərinin gedişhaqlarının artırılması ilə bağlı İqtisadiyyat Nazirliyinə müraciət etmələrinə münasibət bildirib.


V.Əhmədov Pravda.az-a açıqlamasında deyib ki, sərnişindaşıma şirkətlərini də anlamaq olar.


“Sərnişinləri də başa düşürük. Fikir verdinizsə, unun da qiyməti qalxanda eyni hal baş vermişdi. Un istehsalçıları İqtisadiyyat Nazirliyinə müraciət etdilər, qiyməti qaldırdılar, guya məsələ həll olundu. Əlavə dotasiya hamısı ləğv edildi, heç nə vermədilər. Sərnişindaşıma da belədir. Şirkətlərin fikirləri ilə razıyam. Həm dizel yanacağının qiyməti bahalaşıb, həm də pandemiya ilə əlaqədar ciddi problemlərlə üzləşiblər və s. Ona görə də hazırkı gedişhaqlarının qiyməti onlara sərf etmir. İstəyirlər ki, qiymət artsın. Amma əhalinin vəziyyətini də bilirəm. Millət vəkili kimi bilirəm ki, bu gün vəziyyət ürəkaçan deyil. Sərnişinlərin ödəmə qabiliyyətləri kifayət qədər yüksək deyil və s. Burda da müəyyən problemlər var. Əlbəttə, adam var ki, gündə 4-5 dəfə avtobus dəyişir. Bu, problem mövcuddur. İndi görək hökumət necə həll edəcək. Bunun müəyyən variantları var. Ola bilər, sənişindaşıma ilə əlaqədar müəyyən dotasiya verilsin, problem həll edilsin, heç bir problem olmasın. Ya da qiyməti qaldırsınlar, aztəminatlı təbəqə üçün müəyyən güzəştlər etsinlər. Cürbəcür variantlar var. Bu variant da ola bilər ki, qiymətlər artsın, heç nə etməsinlər. Əhalinin vəziyyətini bildiyim üçün bu variantı qəbul etmirəm. Baxaq, görək hökumət hansı variant məqbuldursa, onu qəbul edəcək”, - deputat bildirib.


Aytəkin Qardaşova

Tarix: 27 Sentyabr 2022, 18:13   
-->
Xəbər lenti
Çox oxunanlar

Ən son xəbərləri səhifəmizdən də izləyin