BURADA REKLAMINIZ OLA
BİLƏR

BURADA REKLAMINIZ OLA
BİLƏR

Deputat: “Bağçalarda, məktəblərdə rüşvət olması ilə bağlı məndə hər hansı bir məlumat yoxdur”

“Cəmiyyətdə orta məktəb direktorlarının, bağça müdirlərinin rüşvət almaları ilə bağlı fikirlər səsləndirilir. Bəzi xəbər saytları da bu cür fikirləri tirajlayırlar. İstənilən halda hər hansı bir hadisə barədə fikir bildirdikdə, ittiham səsləndirdikdə konkret faktlara söykənilməlidir. Bağçalarda, məktəblərdə rüşvət olması ilə bağlı məndə hər hansı bir məlumat yoxdur. Belə hallar varsa, bu, çox ciddi və cinayət tərkibli məsələdir”.

 

Bu sözləri Pravda.az-a açıqlamasında Milli Məclisin Elm və təhsil komitəsinin üzvü Kamilə Əliyeva deyib.

 

Deputat bildirib ki, hər kəs bu cinayət əməllərinə vətəndaş məsuliyyəti ilə yanaşmalıdır: “Rüşvət halları ilə rastlaşdıqda təcili hüquq-mühafizə orqanlarına məlumat verməliyik. Cənab Prezidentin də göstərişinə əsasən, ölkəmizdə korrupsiya və rüşvətxorluğa qarşı çox ciddi mübarizə aparılır. Kimliyindən, hansı mövqedə durmalarından asılı olmayaraq rüşvətə, korrupsiyaya qurşanan hər bir kəs qanun qarşısında cavab verəcək”.

 

Aytəkin Qardaşova

Tarix: 28 Sentyabr 2022, 07:12   
-->
Xəbər lenti
Çox oxunanlar

Ən son xəbərləri səhifəmizdən də izləyin