BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Güneyli soydaşlarımız Cənubi Azərbaycan Respublikasının yaradılmasında maraqlı olmalı, müstəqilliyə can atmalıdırlar”

“İranda baş verən etiraz aksiyaları ilkin müstəvidə müəyyən dərcədə geosiyasi, İranın bir neçə hissəyə bölünməsi və nəticədə Cənubi Azərbaycanın yaradılması barədə ümidlər doğurur. Tarixə nəzər salsaq, 1945-1946-cı ildə Cənubi Azərbaycanda milli hökumət qurulmuşdu və burada, təbii ki, SSRİ-nin rolu var idi. Amma hazırki müstəvidə mütləq şəkildə İranda etiraz dalğaları daha da geniş vüsət almalı, ilk növbədə Cənubi Azərbaycanda yaşayan soydaşlarımız Cənubi Azərbaycan Respublikasının yaradılmasında maraqlı olmalı, müstəqilliyə can atmalıdırlar”.

 

Bu sözləri Pravda.az-a açıqlamasında politoloq Məhəmməd Əsədullazadə deyib.

 

O bildirib ki, İranda 30 milyondan artıq güneyli var, onların ayağa qalxıb müstəqillik tələb etmələri üçün xaricdən dəstək də lazımdır: “Beynəlxalq birlik İranın ərazi bütövlüyünü tanıyarsa, Cənubi Azərbaycan Respublikasının yaradılması istiqamətində addım atmaq nəticə verməyəcək. Çünki bu məsələ beynəlxalq hüquqa əsaslanır. Yaxud beynəlxalq birlik, xüsusən başda ABŞ olmaqla, müəyyən Avropa dövlətləri, Türkiyə, eyni zamanda Azərbaycan da bu məsələdə aktiv iştirak edərsə, təbii ki, Cənubi Azərbaycan Respublikası yaradıla bilər və ya Şimali Azərbaycana birləşə bilər. Amma indiki sitiuasiyada bu, mümkün deyil. Çünki kollektiv Qərb, ABŞ başda olmaqla, İranın parçalanmasını istəmirlər. Cənubi Azərbaycan Respublikasını yaratmaq hazırda bir qrup insanın təşəbbüsü ola bilər. İran Azərbaycana təzyiqlər edərsə, Ermənistanı faktiki cəhətdən silahlandırarsa, təbii ki, Azərbaycan hakimiyyəti mütləq şəkildə Cənubi Azərbaycan məsələsinə önəm verməli, Güneydə bu məsələni aktuallaşdırmalı, beynəlxalq müstəviyə çıxarmalıdır. Lakin indiki halda Cənubi Azərbaycan Respublikasının qurulması real deyil”.

 

Aytəkin Qardaşova

Tarix: 28 Sentyabr 2022, 07:41   
-->
Xəbər lenti
Çox oxunanlar

Ən son xəbərləri səhifəmizdən də izləyin