BURADA REKLAMINIZ OLA
BİLƏR

BURADA REKLAMINIZ OLA
BİLƏR

Əli Hüseynli: “AXCP bu gün Xalq Əleyhinə Cəbhə Partiyasıdır”

“Bu gün sosial media nəzarətdən çıxıb”.


Pravda.az xəbər verir ki, bunu Milli Məclisin bu gün keçirilən iclasında deputat Bəhruz Məhərrəmov deyib.


Deputat bildirib ki, bu tendensiyaya son qoyulmalıdır: “Xalqı dövlətinə qarşı açıq şəkildə narazı salmağın başqa adı yoxdur. Bu, açıq şəkildə milli xəyanət adlandırılmalıdır. “Siyasi partiyalar haqqında” qanun layihəsi başqa adla servis edilir. Milli Məclisin qarşısında uğursuz aksiyaya cəhdlər göstərilir. İlk olaraq hər kəs bilsin ki, bu tip aksiyalar destruktiv, dağıdıcı niyyətin göstəricisidir. Əgər niyyətləri qanun layihəsinə reaksiya bildirməkdirsə, bunu sivil yolla təqdim etsinlər. Şəhərin mərkəzində yolları iflic etməklə, ictimai asayişi pozmaqla, insanlarda narazılıq yaratmaqla bunu etməsinlər. Sosial şəbəkələrdə paylaşılan posta 1500 layk xalqın dəstəyi demək deyil. Rayonda hansısa nənənin postuna 25 mindən çox layk gəlir. Aşkarlığın təmin olunması məqsədilə qanun layihəsi Parlamentin saytında yerləşdirilib. Əli Kərimli açıq məğlubiyyətin qorxusundan, seçkilərdə uduzacağını bilə-bilə seçkilərə getmir. Kərimli başa düşməlidir ki, real həyat “Facebook” səhifələrindən fərqlidir. Hər statusuna 1500-2000 layk gəlirsə, bu, xalqın sevgisinin göstəricisi deyil. Layka qalsa, bizim qusarlı Əzizə xalanın videosuna 25-30 min adam baxır. Bu gün Azərbaycanda hər kəs birmənalı olaraq Ali Baş Komandan İlham Əliyevin ətrafında birləşib”.


Milli Məclis sədrinin birinci müavini Əli Hüseynli deyib ki, vaxtilə Azərbaycan Xalq Cəbhəsi Partiyası kimi qeydiyyata alınmış siyasi partiyanın hərəkətini bir cümlə ilə ifadə etmək olar: “Əslində, onlar bu gün Xalq Əleyhinə Cəbhə Partiyasıdır”.


APA

Tarix: 30 Sentyabr 2022, 16:46   
-->
Xəbər lenti
Çox oxunanlar

Ən son xəbərləri səhifəmizdən də izləyin