BURADA REKLAMINIZ OLA
BİLƏR

BURADA REKLAMINIZ OLA
BİLƏR

Bakıda avtomobil icarəsi biznesi ilə məşğul olan şəxsin evinə basqın edənlərlə bağlı QƏRAR

Bakı Apellyasiya Məhkəməsində quldurluqda təqsirləndirilən Nicat Zeynalov və Sahib Tağıyevin barəsində olan hökmdən verilən apellyasiya şikayətinə baxılıb.

 

Pravda.az-ın əldə etdiyi məlumata görə, hakim Habil Məmmədovun sədrliyi ilə keçirilən prosesdə qərar elan olunub.

 

Qərara əsasən, apellyasiya şikayəti təmin edilməyib, birinci instansiya məhkəməsinin çıxardığı hökm dəyişdirilmədən qüvvədə saxlanılıb.

 

İttihama görə, 10 avqust 2019-cu il tarixdə, saat 19 radələrində N.Zeynalov dostu, Həşim Quluzadə və Sahib Tağıyevlə birlikdə sonunucunun dayısı oğlunun evinə basqın ediblər. Onlar üzlərinə maska taxaraq Nəsimi rayonu, Mərdanov qardaşları küçəsində yaşayan 1991-ci il təvəllüdlü T.Mustafayevin evinə girərək ondan pul tələb ediblər. Belə ki, zorla mənzilə soxulan şəxslər T.Mustafayevi tualetə salaraq bıçaqla hədələyiblər və pulları verməsini tələb ediblər. Avtomobil icarəsi biznesi ilə məşğul olan T.Mustafayev onunla birgə yaşayan 1993-cü il təvəllüdlü Xanımla (şərti adlı) müqavimət göstərib. Lakin daha sonra Xanım evdəki 7 min manatı və mobil telefonları həmin şəxslərə verib.

 

Polisdə ifadə verən T.Mustafayev bildirib ki, cinayətkarlar üzlərini kovboy tərzinə bənzər burun yaylığı ilə gizlədiblər. Aldığı zərbələrdən T.Mustafayev yardım üçün Kliniki Tibbi Mərkəzə müraciət etməli olub.

 

20-ci polis bölməsinin əməkdaşları aparılmış operatov-axtarış tədbirləri zamanı şübhəlilərdən birini saxlayıblar. Bu, xəsarət alanın dayısı oğlu, 1998-ci il təvəllüdlü Sahib Tağıyevdir.

 

İstintaqın gedişi zamanı S.Tağıyevin əlbir olduğu cinayətkarlar da yaxalanıb. Bakı Ağır Cinayətlər Məhkəməsi fevralın 11-də N.Zeynalova hökm oxuyub, ona 8 il azadlıqdan məhrumetmə cəzası verilib.

 

Kamal Məmmədov

Tarix: 1 Oktyabr 2022, 07:48   
-->
Xəbər lenti
Çox oxunanlar

Ən son xəbərləri səhifəmizdən də izləyin