BURADA REKLAMINIZ OLA
BİLƏR

BURADA REKLAMINIZ OLA
BİLƏR

Deputat: ""Uşaqpulu" qısa müddətdə həll olunan məsələ deyil, vəsait ordunun güclənməsinə yönəldilməlidir"

"Hər kəs istəyər ki, “uşaqpulu” problemi həllini tapsın. Amma bu, qısa müddətə həll olunası məsələ deyil. Gərək, büdcə imkan versin ki, uzun müddət bu işlər davam etsin, arası kəsilməsin. Bu, bir-iki illik məsələ deyil ki. Mütəxəssislər, müvafiq qurumlar, mərkəzi icra orqanları “uşaqpulu” ilə bağlı hesablamalarını aparmalıdırlar. Uzun müddətlik büdcə imkan verəcəksə, problem həllini tapacaq. Ölkəmizdə azyaşlıların sayı, illik xərc nə qədə olmalıdır və s. bütün bunlar hesablansın, mütəxəssislər rəylərini versinlər, ondan sonra “uşaqpulu” məsələsinə baxıla bilər, müzakirəyə çıxarmaq olar. Hazırda bu məsələ ilə bağlı qeyri-rəsmi müzakirələr aparılsa da, rəsmi heç bir söhbət yoxdur”.

 

Bu sözləri Pravda.az-a açıqlamasında Milli Məclisin deputatı Aqil Məmmədov deyib.

 

Deputat “uşaqpulu”nun bərpasının 1 il müddətində 1-3 yaşadək nəzərdə tutulması təklifinə də münasibət bildirib: “Bu məsələlər də qaldırılıb, baxılır, təkliflər verilir. Dinləmələrin də keçirilməsi nəzərdə tutulur. Amma rəsmi hələ heç nə yoxdur. Əgər olarsa, hər birimiz istəyərik ki, yaşayış imkanı zəif olan ailələrdə “uşaqpulu” bərpa edilsin”.

 

A.Məmmədov təklifini də səsləndirib: “5-dən çox uşağı olan ailələr çoxuşaqlı hesab edilir. Respublika üzrə say etibarilə götürsək, 5 uşaq olan ailə çox azdır. Biz bu məsələni qaldırırıq. Heç olmasa 3-4 uşaq olan ailə çoxuşaqlı sayılmalı, onlara dövlət qayğısı göstərilməlidir. Dövlətimizin siyasətinin mərkəzində vətəndaşlarımızın sosial rifahının yaxşılaşdırılması durur. Hər birimiz də bunun praktik olaraq canlı şahidiyik. Bu istiqamətdə dövlət proqramları qəbul olunur, addımlar atılır. İmkan yaranan kimi “uşaqpulu” da mərhələli şəkildə həllini tapacaq. Bir məsələ də var ki, bu gün Azərbaycanda “müharibə tam başa çatıb” desək, yalan olar. Fkrimcə, əsas vəsait Orduya, Ordunun güclənməsinə yönəldilməlidir. Təbii ki, “uşaqpulu” da vacibdir. Yəqin ki, gec-tez bu məsələyə baxılacaq, müvafiq qərar da qəbul olunacaq”.

 

Aytəkin Qardaşova

Tarix: 5 Oktyabr 2022, 16:09   
-->
Xəbər lenti
Çox oxunanlar

Ən son xəbərləri səhifəmizdən də izləyin