BURADA REKLAMINIZ OLA
BİLƏR

BURADA REKLAMINIZ OLA
BİLƏR

AXCP-nin rayon şöbəsinin sədrini öldürəndən xəbər var

Bərdə adam öldürməkdə təqsirləndirilən Xazər Məmmədovun cinayət işi üzrə ibtidai istintaqı başa çatıb.


Pravda.az-ın əldə etdiyi məlumata görə, toplanan iş baxılması üçün Gəncə Ağır Cinayətlər Məhkəməsinə göndərilib.


Cinayət işi hakim Dadaş İmanovun icraatına verilib.


Məhkəmənin hazırlıq iclası oktyabrın 14-nə təyin edilib.


Qeyd: Bu il iyunun 26-sı saat 16 radələrində Bərdə rayonu ərazisində 1954-cü il təvəllüdlü Çapay Sadıqlının öldürülməsi barədə rayon prokurorluğuna məlumat daxil olub.


Aparılan ilkin araşdırmalarla zərərçəkənin tanışı 1968-ci il təvəllüdlü Xazər Məmmədovun şəxsi münasibətlər zəminində aralarında yaranan münaqişə zamanı Çapay Sadıqlıya kəsici alətlə xəsarətlər yetirərək qəsdən öldürməsinə əsaslı şübhələr müəyyən edilib.


Faktla bağlı Bərdə rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.


Xazər Məmmədov şübhəli şəxs qismində tutularaq istintaqa cəlb edilib.


Xatırlatma: Qətlə yetirilən Çapay Sadıqlı AXCP-nin Bərdə rayon şöbəsinin sədri olub.

 

Kamal Məmmədov 

Tarix: 6 Oktyabr 2022, 09:10   
-->
Xəbər lenti
Çox oxunanlar

Ən son xəbərləri səhifəmizdən də izləyin