Alimlərin apardıqları araşdırma qulaqlıqlardan istifadə nəticəsində 1 milyarddan çox insanın eşitmə itkisi riski altında olduğunu ortaya çıxarıb.
Elmi tədqiqatın nəticələri “BMJ Global Health”da dərc olunub.
Araşdırmaya görə, qulaqlıqdan istifadə gənclərdə eşitmə qabiliyyətinin itirilməsinə səbəb olur. Qeyd edilir ki, bu səbəbdən gələcəkdə bir çox insan eşitmə qabiliyyətini itirəcək.
Tədqiqatçılar bu qənaətə gəiblər ki, yüksək səs qulağa zərər verir. Qulaqlıqla musiqi dinləməyin və konsertdə yüksək səsin erkən yaşlarda eşitmə qabiliyyətinin itirilməsinə səbəb ola biləcəyini vurğulayan alimlər 12-34 yaş arası şəxslərin qulaqlıqdan sağlamlığa zərərli şəkildə istifadə etdiyini ortaya çıxarıblar.
Cənubi Karolina Universitetinin tədqiqatçısı Lauran Dillard yüksək səsin duyğu hüceyrələrini zədələdiyini və qulağa təhlükə törətdiyini bildirib. Dillard, yüksək səsə məruz qalmanın davam etdiyi təqdirdə qulağın ağır zədələndiyini və insanın eşitmə qabiliyətindən məhrum olduğunu vurğulayıb.
