BURADA REKLAMINIZ OLA
BİLƏR

BURADA REKLAMINIZ OLA
BİLƏR

Bakıda söyüşə görə şirkətin avtomobilinin şüşələrini sındıran şəxsə cəza verildi

Nərimanov Rayon Məhkəməsində xuliqanlıqda təqsirləndirilən Hafiz Qalibovun (şərti) cinayət işi üzrə məhkəmə istintaqı başa çatıb.

 

Pravda.az-ın etdiyi məlumata görə, hakim Hafiz Kamranovun sədrliyi ilə keçirilən prosesdə hökm oxunub.

 

Məhkəmənin hökmü ilə o, 2 il müddətinə azadlıqdan məhrum edilib. Təqsirləndirilən şəxs cəzasını ümumi rejimli cəzaçəkmə müəssisəsində çəkəcək. Bu hökmdən narazı qalan məhkum apellyasiya şikayəti verib. Bakı Apellyasiya Məhkəməsi Hafiz Qalibovun şikayətini təmin etməyib.

 

İttihama görə, Hafiz Qalibov tanışı Faiq Qasımovla (şərti) telefon vasitəsi ilə danışan zaman zərərçəkmiş onun ünvanına nalayiq ifadələr edib. Təqsirləndirilən şəxs bunu cüzi səbəb kimi bəhanə edərək Faiqin yaşadığı Bakı şəhəri, Nərimanov rayonu, Qarabağ küçəsindəki evin qarşısına gəlib. O, çox sayda insanların gözü qarşısında heç bir əsaslı səbəb olmadan qəsdən yerdən götürdüyü daş və taxta parçalarından silah qismində istifadə edərək binanın qarşısında saxlanılmış şirkətlərdən birinə məxsus, Faiqin etibarnamə ilə idarə etdiyi “Lada Vesta” GFL 11 markalı avtomobilin alın, sol yan və arxa şüşələrini, arxa işıqlarını vurub sındırıb. Daha sonra Hafiz təpiklə avtomobilin müxtəlif yerlərinə vurub əzərək şirkətə ümumilikdə 3620 manat dəyərində maddi ziyan vurub.

 

Daha sonra Hafiz Qalibov saxlanılıb və onun barəsində Cinayət Məcəlləsinin xuliqanlıq maddəsi ilə ittiham elan edilib.

 

Kamal Məmmədov

Tarix: 24 Noyabr 2022, 09:03   
-->
Xəbər lenti
Çox oxunanlar

Ən son xəbərləri səhifəmizdən də izləyin