BURADA REKLAMINIZ OLA
BİLƏR

BURADA REKLAMINIZ OLA
BİLƏR

85 yaşını qeyd edən Ağacan Abıyev: “Arzula və əməksevər ol, onda hər şey alınacaq”

Bu gün Azərbaycan Dövlət Bədən Tərbiyəsi və İdman Akademiyasının sabiq rektoru, Azərbaycan Boks Federasiyasının vitse-prezidenti, sabiq deputat Ağacan Abıyev 85 yaşını qeyd edir.

 

Pravda.az-ın əməkdaşı Ağacan Abıyevin yubiley yaşı ilə əlaqədar təəssüratlarını öyrənib.

 

A.Abıyev uzun yaşamağın sirlərini bizimlə bölüşüb, gənclərə tövsiyələrini verib: “Gənclərimiz sağlam həyat tərzi keçirsinlər. Bunun üçün idmanla, bədən tərbiyəsi ilə məşğul olmaq lazımdır. Sağlam həyat t'rzi keçirəndə sağlam fikirlər də əmələ gələr. Bir sözlə, sağlam olmaq istəyirsinizə, idmanla məşğul olun. Mən 15 yaşından idmanla məşğul olmuşam. Get-gedə idman nəticələrim də yaxşılaşıb. Məktəbdə oxuyanda üç, dörd, beşlə oxuyurdum, adi şagird idim. Amma institutda oxuyanda, idmançı olanda isə çalışırdım ki, üç-dörd almayım, əlaçı olum. Bunun üçün oxumaq lazımdır. İdman həm də gənclərin istədiklərinə, arularına nail olmalarına kömək edir. Sağlam oldunsa, hər şey edə bilərsən. Bunu mən özümdə hiss edirəm. 8-ci sinifdə adi şagird idim, idmanla məşğul olandan sonra 9-10-cu siniflərdə, intitutda əlaçı, Lenin təqaüdçüsü… Dedilər “idmançı da Lenin təqaüdçüsü ola bilər?” Dedim ki, əvvəl 3-4 alırdım, indi isə ancaq 5 alıram, çünki idman insana ruh verir. Gənclər, gərək, mütləq idmanla məşğul olsunlar ki, bədənləri həm təmizlənsin, rahatlansın, həm də ağır işə yüngül kimi baxsınlar. İndi də hər səhər yarım saat idmanla məşğul oluram. Sən hər gün yarım saat idmanla bədənində qayda yaradırsan. Orqanizm bu qayda ilə işləyəndə yorulmur və istədiyini həll edə bilirsən”.

 

A.Abıyev deyib ki, bu günə qədər arzuladığı hər şey həyata keçib: “Çünki boş arzulamaqla heç nə qazanmaq olmaz, əmək lazımdır. Arzula və əməksevər ol, onda hər şey alınacaq. Əməyi sevənlər, əməklə məşğul olanlar arzuladıqlarına da nail ola bilir. Boş sözlə heç nə olmur. Fiziki əməklə məşğul olan adam həmişə arzularına nail ola bilər. Belə olanda insanın bədəni funksionallığını saxlayır, qarmaqarışıq fikirlər onun beynindən çəkilir, ancaq təmiz fikirlər qalır. Qarmaqarışılıq fiziki işlə gedir, buna böyük elm lazım deyil”.

 

O bildirib ki, 85 illiyi münasibətilə çoxlu sayda təbrik alıb: “Bütün tələbə yoldaşlarım, müəllimlərim, vəzifədə olan dostlarım, deputatlar təbrik ediblər. Hər kəsə təşəkkür edir, uzun ömür, sağlamlıq arzulayıram”.

 

Aytəkin Qardaşova

Tarix: 24 Noyabr 2022, 16:07   
-->
Xəbər lenti
Çox oxunanlar

Ən son xəbərləri səhifəmizdən də izləyin