Ötən il dekabrın 12-si Sumqayıt şəhəri ərazisində 1975-ci il təvəllüdlü Mahir Allahverdiyevin qəsdən öldürülməsi faktı üzrə başlanmış cinayət işinin istintaqı yekunlaşıb.
Bu barədə Baş Prokurorluqdan bildirilib.
Tanışını öldürən şəxsin cinayət işi məhkəməyə göndərildi
İbtidai istintaqla 2003-cü il təvəllüdlü Murad Kazımovun aralarında yaranmış mübahisə zamanı tanışı Mahir Allahverdiyevə kəsici-deşici alətlə çoxsaylı xəsarətlər yetirib onu qəsdən öldürməsinə əsaslı şübhələr müəyyən edilib.
Murad Kazımova Cinayət Məcəlləsinin 120.2.4-cü (xüsusi amansızlıqla adam öldürmə) maddəsi ilə yekun ittiham elan edilərək cinayət işi baxılması üçün Sumqayıt Ağır Cinayətlər Məhkəməsinə göndərilib.
