Panamada Azərbaycanın Mədəniyyət naziri Əbülfəs Qarayevlə şərikli biznesi üzə çıxan millət vəkili Hüseynbala Mirələmovun deputatlığa namizədliyi qeydə alınıb.
Nazirlə şərikli biznesi üzə çıxan deputatın namizədliyi qeydə alındı
Pravda.az-ın xəbərinə görə, Hüseynbala Mirələmov namizədliyini 33 saylı Xətai birinci seçki dairəsindən irəli sürüb.
Xatırlatma: Araşdırmaçı jurnalist Cavanşir Həsənli bildirib ki, Ə. Qarayevlə H.Mirələmovun Panama Respublikasında şərikli biznesi üzə çıxıb. H.Mirələmovun direktoru və xəzinədarı (ispanca tesorero - şirkətin gəlir və xərclərinə nəzarət edən şəxs) olduğu RİMBA S.A. 2004-cü il fevralın 20-də Panamada 448783 saylı lisenziya ilə qeydiyyatdan keçib. Şirkət tipi anonim cəmiyyətdir, statusu aktivdir (vigente), yəni hazırda fəaliyyətdədir. Şirkətin digər direktoru mədəniyyət naziri Əbülfəz Qarayevdir. 2018-ci ildən isə Hüseynbala Mirələmovun oğlu Fərid Mirələmovun da adı direktorlar şurasına daxil edilib.
