Ermənilər Azərbaycanda münaqişəyə qədər olduğu kimi ölkə vətəndaşları qismində yaşaya bilərlər.
Bunu Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Rusiyanın "İzvestiya" qəzetinə müsahibəsində deyib.
"Ermənilər Azərbaycanda yaşaya bilərlər" - "Qaçqınkom"un sədri
O bildirib ki, Azərbaycan dəfələrlə keçmiş Dağlıq Qarabağ Muxtar Vilayətinin erməni sakinlərinin inteqrasiyasına hazır olduğunu vurğulayıb:
"Ermənilər münaqişəyə qədər olduğu kimi Azərbaycan vətəndaşları kimi ölkəmizdə yaşaya bilərlər. Onlar digər ölkələrdə, Rusiya, Fransa, ABŞ-da olduğu kimi Azərbaycanda yaşaya bilərlər. Amma, məsələn, Marseldə yüz min erməni yaşayırsa, bu o demək deyil ki, Fransa Marseldə daha bir erməni dövləti yaratmalıdır. Azərbaycanda 50-dən çox milliyət və xalq yaşayır və bu baxımdan heç bir problem yoxdur".
