BURADA REKLAMINIZ OLA
BİLƏR

BURADA REKLAMINIZ OLA
BİLƏR

Adil Əliyev: “Şəhidlərimizin əziz xatirəsi xalqımızın qəlbində əbədi yaşayacaq, həmişə ehtiramla anılacaq” - FOTO

Xırdalan şəhərində şəhid polkovnik-leytenantı Telman Miriyevin əziz xatirəsinə həsr edilmiş şəhid bulağının açılış mərasimi keçirilib.

 

Pravda.az-ın xəbərinə görə, mərasimdə Milli Məclisin sədr müavini, parlamentin Gənclər və idman komitəsinin sədri Adil Əliyev, Milli Məclisin deputatı Aydın Hüseynov, şəhid ailələri, qazilər, ictimaiyyət nümayəndələri və din xadimləri iştirak ediblər

 

Çıxış edən A. Əliyev Prezident, müzəffər Ali Baş Komandan İlham Əliyevin rəhbərlik etdiyi Rəşadətli Azərbaycan Ordusunun qəhrəmanlıqları hesabına Azərbaycan torpaqlarının işğaldan azad edilməsindən danışıb.

 

Bildirib ki, Azərbaycan BMT Təhlükəsizlik Şurasının 4 qətnaməsinin icrasını özü təmin edərək tarixi torpaqlarımızı işğaldan azad edib. Bu torpaqlara yeni nəfəs gəldiyini bildirən Adil Əliyev qəhrəmanlarımızın canı-qanı bahasına düşməndən azad edilmiş ərazilərimizin tezliklə dünyanın ən gözəl guşələrindən birinə çevriləcəyini diqqətə çatdırıb.

 

Qeyd edib ki, şəhidlərimizin əziz xatirəsi xalqımızın qəlbində əbədi yaşayacaq, həmişə ehtiramla anılacaq.

 

​Sonra çıxış edən Milli Məclisin deputatı Aydın Hüseynov qazanılmış tarixi Zəfərimizdən bəhs edərək, şəhid ailələrinin, qazilərin dövlət tərəfindən yüksək səviyyədə diqqət və qayğı ilə əhatə olunduğunu qeyd edib.

 

Şəhid ailələri və qazilər onlara göstərilən yüksək diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya razılıqlarını ifadə ediblər.

Fotoları təqdim edirik
Tarix: 15 Yanvar 2022, 21:45   
-->
Xəbər lenti
Çox oxunanlar

Ən son xəbərləri səhifəmizdən də izləyin