“Zəngilan-Qubadlı camaatının 25 ildən artıqdır ki, deputatı olmuş İmamverdi İsmayılov hansı üstünlüyünə görə bu dəfə də deputat olmalıdır? Seçici onu sevir? Yox. Seçici ona inanır? Yox. 25 ildə bir dəfə də olsun məcburi köçkün seçisi ilə maraqlanıb? Yox. Onun sözünü deyib? Yox. Parlamentdə onun səsini eşidən olub? Yox. Hansısa təklifini eşidən olub? Yox. Fəal deputatdır? Yox. Dövlətçilik üçün fəaliyyəti olub? Yox.( Əksinə 54 min seçiçini narazı salıb. Sadəcə biznesini genişləndirib) Cavandır? O da yox. Bəlkə YAP-çı olduğu üçün? O da yox. YAP-ın o qədər istedadlı, dövlətçilik mənafeyini qoruyan gəncləri var ki”.
Afət Telmanqızından İmamverdi İsmayılovla bağlı SƏRT AÇIQLAMA
Pravda.az-ın xəbərinə görə, bunu telejurnalist, 125 saylı Zəngilan-Qubadlı seçki dairəsindən deputatlığa namizəd Afət Telmanqızı deyib.
“Uzun illər məni bu sual da düşündürdü. Axı niyə bizdə Vahid Əhmədov, Qənirə Paşayeva, Zahid Oruc, Fazil Mustafa kimi deputat olmadı? Torpağına həsrət qalmış Zəngilan- Qubadlı camaatı onun səsi olan deputata da 25 ildir həsrət qaldı. Yoxsa bu da köçkünlərin alın yazısıdır? Bu yazını pozmaq isə o qədər çətin deyil...” – A.Telmanqızı qeyd edib.
