ABŞ-ın Miçiqan ştatında törətmədikləri cinayətə görə 25 ilə yaxın həbsxanada yatmış Corc və Melvin Dejesus bəraət qazanıb.
Pravda.az xəbər verir ki, onlar ötən gün azadlığa çıxıblar.
Hadisə 1995-ci ildə baş verib. Belə ki, Marqaret Midkiffi adlı şəxs evində ölü tapılıb. Midkiffin cinsi təcavüzə məruz qaldığı da müəyyən edilib. Cinayət yerindən DNT bir il sonra Brandon Qohagenlə uyğunlaşıb.
Qohagen 1997-ci ildə keçirilən məhkəmə iclasında Dejesus qardaşlarının onu cinsi təcavüzə məcbur etdiyini iddia edib. Qatilin iddiasına görə, ikisi Midkiffi öldürüb.
Həmin məhkəmənin qərarı ilə Qohagen ikinci dərəcəli qətl və birinci dərəcəli cinsi təcavüzdə, Dejesus qardaşları isə ömürlük həbs cəzasına məhkum edilib.
2017-ci ildə isə Qohagen qətldən bir il əvvəl qadını zorlayıb öldürməkdə təqsirli bilinib və ömürlük həbs cəzası alıb.
Miçiqan Baş Prokurorluğu Qohagen tərəfindən "emosional, fiziki və cinsi zorakılığa" məruz qalan daha 12 qadını müəyyən edib.
