"Hər bir rəmzi, işarəni mesaj kimi qəbul etmək olar, amma Türkiyə Prezidenti Rəcəb Tayyib Ərdoğanla Qazaxıstan Prezidenti Tokayevin fotosunda tennis masasının göy rəngdə olması prinsipial əhəmiyyət daşımır. Tennis masaları, onsuz da, adətən göy rəngdə olur. Sözsüz ki, biz göy rəngi daha çox sevirik, həmin rəngi türkçülüklə əlaqələndiririk. Fikrimcə, həmin fotoda hansısa siyasi məqam axtarmaq doğru olmaz. Onsuz da bu gün Turan barədə açıq şəkildə danışılır. Misal üçün, Stalin dövründə Böyük Turan haqqında danışan ya sürgünə göndərilir, ya da güllələnirdi. İndiki reallıqda isə Turan dünyası barədə mesajları tennis stolunun arxasında gizlətməyə ehtiyac yoxdur".
Bunu Pravda.az-a açıqlamasında siyasi ekspert, psixoloq Azad İsazadə deyib.
