"Rusiya-Ukrayna müharibəsi Azərbaycanda qəbir daşlarının qiymətinə də təsir edib. Qəbir daşlarında istifadə olunan materialların Ukraynadan ölkəmizə idxalının dayandırılması bazarda qiymət artımına gətirib çıxarıb. Abidə üçün nəzərdə tutulmuş mərmər, qranit kimi xam materialların 75-80%-i Azərbaycana Ukraynadan idxal edilirdi. Zimbabve, Rusiya, Türkiyə isə idxalın çox az hissəsini təşkil edir. Müharibə ilə əlaqədar Ukraynada fevral ayından etibarən yük daşımaları dayanıb. Təbii ki, sahibkarlar bu materialları digər istiqamətlərdən gətirib bərpa edəcəklər. Lakin alıcılar nəticə etibarilə daha baha almaq məcburiyyətində qalacaqlar".
Bu sözləri Pravda.az-a açıqlamasında iqtisadçı-ekspert Xalid Kərimli qəbir daşlarının qiymətinin bahalaşması barədə danışarkən deyib.
