Rusiya Prezidenti Vladimir Putinlə Azərbaycan Prezidenti İlham Əliyev arasında telefon danışığı olub.
Pravda.az xəbər verir ki, bu barədə məlumatı Kremlin rəsmi saytı yayıb.
Danışıq zamanı Rusiya, Azərbaycan və Ermənistan liderləri arasında 9 noyabr 2020-ci il, 11 yanvar və 26 noyabr 2021-ci il tarixli bəyanatların icrası, regionda sülhün bərqərar olması, sabitliyin möhkəmləndirilməsi, iqtisadi əlaqələr və nəqliyyat kommunikasiyalarında mövcud olan blokadaların aradan qaldırılması ilə bağlı konkret məsələlərin həlli diqqət mərkəzində saxlanılıb.
Bundan əlavə Prezident İlham Əliyev mayın 22-də Brüsseldə Ermənistan Respublikasının Baş naziri Nikol Paşinyan və Avropa İttifaqı Şurasının prezidenti Şarl Mişel ilə keçirdiyi görüş barədə Rusiya Prezidenti Vladimir Putinə məlumat verib.
