Gəncə Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Elnur Əkbərovun cinayət işi üzrə məhkəmə istintaqı başa çatıb.
Pravda.az-ın əldə etdiyi məlumata görə, hakim Nural Əliyevin sədrliyi ilə keçirilən prosesdə hökm oxunub.
Məhkəmənin hökmü ilə ona şərti cəza verilib. Elnur Əkbərovun barəsində seçilmiş başqa yerə getməmək barədə iltizam qətimkan tədbiri hökm qanuni qüvvəyə minənədək dəyişdirilmədən saxlanılıb.
Qeyd: Hadisə 28 yanvar 2022-ci il tarixdə, saat 19 radələrində Samux rayonunun Qarabağlar kəndində yerləşən “Turxanın yatağı” adlanan fermada qeydə alınıb.
Belə ki, Gəncə şəhər sakini, 1991-ci il təvəllüdlü Elnur Əkbərov onunla birlikdə həmin fermada sağıcı kimi işləyən tanışı, 1987-ci il təvəllüdlü Elçin Süleymanovla mübahisə edib.
