“Məmurların qazilərimizə göstərdiyi etinasızlıq yolverilməzdir. Lakin əsas günahkar Milli Məclisdir. Qanunları qəbul edən odur. O cümlədən dövlət büdcəsi və pensiyalar haqqında. Deputatlar öz maaşını asanlıqla ikiqat artırdı bu yaxınlarda. Axı niyə, məsələn, qaziyə ayda azı 1500 manat, əlil olana (dərəcəsindən asılı olmayaraq) isə azı 2000 manat verilməsin? Niyə Milli Məclis belə qanun qəbul etmir? Büdcədə vəsait yoxdur? Boş-boş şeylərə az pul ayırsınlar, onda pul olar. Məsələn, lazımsız səfirliklərin saxlanılmasına, məmurların “ezamiyyə” adı ilə xaricdə veyllənməsinə və s…”
Pravda.az-ın xəbərinə görə, bunu ekspert Əkrəm Həsənov bildirib.
