Ali Məhkəmədə qanunvericiliklə nəzərdə tutulmayan silahlı birləşmələri və ya qrupları yaratma və ağır cinayətlər törətməkdə təqsirləndirlən Bəhram Güləliyevin barəsində olan hökmdən verilən kassasiya şikayətinə baxılıb.
Pravda.az-ın əldə etdiyi məlumata görə, hakim Ələsgər Novruzovun sədrliyi ilə keçirilən prosesdə qərar elan olunub.
Qərara əsasən, onun kassasiya şikayəti qismən təmin edilib.
Belə ki, Bakı Apellyasiya Məhkəməsinin 12 fevral 2021-ci il tarixli qərarı ləğv olunub və cinayət işi apellyasiya məhkəməsində yenidən baxılmasına təyin edilib.
Qeyd: Dövlət Təhlükəsizliyi Xidmətində Cinayət Məcəlləsinin 218.2 (cinayətkar birlikdə iştirak etmə) və 279.1-ci (qanunvericiliklə nəzərdə tutulmayan silahlı birləşmənin fəaliyyətində iştirak etmə) maddələri ilə aparılan cinayət təqibi üzrə əməliyyat-axtarış tədbirləri nəticəsində müəyyən edilib ki, “Abu İbrahim Dağıstani” dini ləqəbi ilə beynəlxalq terror təşkilatlarında partlayıcı qurğular üzrə mütəxəssis kimi fəaliyyət göstərən Azərbaycan vətəndaşı, 1971-ci il təvəllüdlü Güləliyev Bəhram Tağıbəy oğlu 2003-cü ildə qeyri-leqal yollarla Əfqanıstan ərazisinə keçib və oradakı qanunsuz silahlı birləşmələrə qoşulub.
