Fransada erməni vandalları Azərbaycan səfirliyinə basqın ediblər. Çox təəssüf ki, özünü hüquqi dövlət kimi dünyaya təqdim edən Fransanın hüquq-mühafizə orqanları səfirliyin binasının mühafizəsini təmin etmək üçün zəruri addımlar atmayıb.
“Fransa üzərinə götürdüyü öhdəlikləri yerinə yetirməyib”
Pravda.az-ın xəbərinə görə, bunu Azərbaycan-Fransa parlamentlərarası əlaqələr üzrə işçi qrupunun rəhbəri Soltan Məmmədov deyib.
S.Məmmədov bildirib ki, bu, Fransanın beynəlxalq hüquqa, o cümlədən, "Diplomatik münasibətlər haqqında” Vyana Konvensiyasına görə üzərinə götürdüyü öhdəlikləri yerinə yetirməməsi anlamına gəlir.
