Şəki Apellyasiya Məhkəməsində avtomobil qaçırmaqda təqsirləndirilən Həmid Qarayevin (şərti) barəsində olan hökmdən verilən apellyasiya şikayəti üzrə məhkəmə iclası başa çatıb.
Pravda.az-ın əldə etdiyi məlumata görə, hakim Gündüz Abbasovun sədrliyi ilə keçirilən prosesdə qərar elan olunub.
Qərara əsasən, 2 il müddətinə azadlığın məhdudlaşdırılması (elektron qolbaq) cəzası təyin edilib. Təqsirləndirilən şəxs barəsində seçilmiş həbs qətimkan tədbiri ləğv olunub və o, məhkəmə zalından dərhal həbsdən azad edilib.
İttihama görə, 1996-cı il təvəllüdlü Həmid Qarayev saat 21 radələrində Adil Nailova (şərti) məxsus Göyçay şəhəri, Əli Kərim küçəsində yerləşən “Bənövşə” geyim mağazasının qarşısında dayanmış “VAZ-2106” markalı avtomobilə sahibindən icazə əyləşib. Orta dərəcəli sərxoş vəziyyətdə olan təqsirləndirilən şəx maşını işə salıb yaşadığı Göyçay rayonu, Ulaşlı-Şıxlı kəndinə gedib.
Daha sonra saxlanılan Həmid Qarayevin barəsində Cinayət Məcəlləsinin 185.1-ci (avtomobil və ya başqa nəqliyyat vasitəsini talama məqsədi olmadan qanunsuz ələ keçirmə (qaçırma) maddəsi ittiham elan olunub.
Göyçay Rayon Məhkəməsinin hökmü ilə 1 il müddətinə azadlıqdan məhrum edilib. O, məhkəmə zalından həbs olunub.
Kamal Məmmədov
