Məzmuna keç
Azərbaycan bayrağı Pravda.az — xəbər portalı
Özəl

Evdə təbii sabunu belə hazırlayın - 4 sadə resept

Paylaş:
Evdə təbii sabunu belə hazırlayın - 4 sadə resept
Bizi Google News-da izləyin

Dəriyə qulluq zamanı təbii tərkibli məhsullara üstünlük verənlər üçün evdə hazırlanan sabunlar alternativ ola bilər. 

Pravda.az bildirir ki, kök, lavanda, qəhvə və bal kimi təbii inqrediyentlərdən hazırlanan sabunlar dəriyə qulluq məqsədilə istifadə olunur.


Kök sabunu

Kök yumşalana qədər qaynadılır və püre halına gətirilir. Məqalədə göstərilən reseptə əsasən, kök püresi, kokos yağı, zeytun yağı, badam yağı, bal və kök yağı sabun hazırlanmasında istifadə olunur.

Lavanda sabunu

Qurudulmuş lavanda çiçəkləri sabun qəlibinə yerləşdirilir. Reseptdə zeytun yağı, lavanda yağı, təmiz su və kostik soda da nəzərdə tutulur. Hazırlanan qarışıq qəlibə tökülərək bərkiməyə və yetişməyə buraxılır.

Qəhvə sabunu

Sabun bazası su hamamında əridilir. Əzilmiş qəhvə dənələri südlə qarışdırılaraq əridilmiş sabun bazasına əlavə olunur. Qarışıq qəlibə tökülür və bərkiyənədək soyuducuda saxlanılır.

Ballı sabun

Əridilmiş sabun bazasına vanil yağı və təbii bal əlavə edilərək qarışdırılır. Sabun qəlibinin dibinə bal şanı yerləşdirilir, qarışıq üzərinə tökülür və bərkiməsi üçün soyuducuya qoyulur.

Qeyd: Kök və lavanda sabunlarının orijinal reseptlərində kostik soda (natrium hidroksid) istifadə olunur. Bu maddə ciddi kimyəvi yanıqlara səbəb ola bilər. Onunla ev şəraitində işləmək yalnız müvafiq qoruyucu vasitələr və dəqiq, yoxlanılmış sabun resepti ilə mümkündür. Daha təhlükəsiz seçim hazır sabun bazasından istifadə etməkdir.

Əminə Bayramova

Paylaş:

Ən son xəbərlər