Zeytunun dadını daha ləzzətli və ətirli etmək üçün ona bəzi ədviyyatlar əlavə etmək olar.
Pravda.az bildirir ki, mətbəxdə geniş istifadə olunan bu ədviyyatlar zeytunun təbii dadını tamamlayaraq ona xüsusi aroma qazandırır.
Zeytunun dadını artıran 5 əsas ədviyyat bunlardır:
Kəklikotu
Kəklikotu zeytuna xoş ətir verir və onun duzlu dadını tarazlaşdırır. Xüsusilə zeytun yağı ilə birlikdə istifadə edildikdə daha zəngin dad yaradır.
Qırmızı bibər
Zeytuna yüngül acılıq və iştahaçan dad bəxş edir. Acı sevənlər üçün ideal seçimdir.
Zirə
Özünəməxsus və kəskin aroması ilə zeytunun dadını fərqləndirir. Az miqdarda əlavə edilməsi tövsiyə olunur.
Rozmarin
Xüsusilə qara zeytunla yaxşı uyğunlaşır. Zeytuna xoş ətir və fərqli dad verir.
Keşniş toxumu
Yüngül sitrus ətri və ədviyyatlı dadı ilə xüsusilə yaşıl zeytuna yaraşır. İstifadədən əvvəl əzilməsi onun aromasını daha yaxşı üzə çıxarır.
Zeytunu daha dadlı etmək üçün nə etməli?
Bir kasa zeytuna 2 xörək qaşığı zeytun yağı, 1 çay qaşığı kəklikotu, yarım çay qaşığı qırmızı bibər, bir diş əzilmiş sarımsaq və bir neçə damcı limon suyu əlavə etmək olar.
Bütün ərzaqları qarışdırdıqdan sonra təxminən 30 dəqiqə gözləmək kifayətdir.
Bu ədviyyatların hamısını eyni vaxtda istifadə etmək vacib deyil. Kəklikotu, qırmızı bibər və rozmarinin birlikdə istifadəsi də zeytuna xüsusi dad və ətir qazandıra bilər.
Əminə Bayramova