Məzmuna keç
Azərbaycan bayrağı Pravda.az — xəbər portalı
Özəl

Bakıda sürücü mübahisə etdiyi şəxsi avtomobilə vuraraq xəsarətlər yetirdi – AĞIR CƏZA

Paylaş:
Bakıda sürücü mübahisə etdiyi şəxsi avtomobilə vuraraq xəsarətlər yetirdi – AĞIR CƏZA
Bizi Google News-da izləyin

Bakı Ağır Cinayətlər Məhkəməsində xuliqanlıq niyyəti ilə qəsdən sağlamlığa ağır zərər vurmada təqsirləndirilən Cahid Quliyevin (soyadı şərtidir) cinayət işi üzrə məhkəmə iclası başa çatıb.

Pravda.az-ın əldə etdiyi məlumata görə, hakim Günel Səmədovanın sədrliyi ilə keçirilən prosesdə hökm oxunub.

Məhkəmənin hökmü ilə ona 6 il 6 ay müddətə azadlıqdan məhrumetmə cəzası təyin olunub.

İttihama görə, hadisə 2024-cü il saat 10:48 radələrində paytaxtın Yasamal rayonu, M.Muxtarov küçəsində yerləşən çoxmərtəbəli yaşayış binasının alt hissəsindəki avtodayanacağın qarşısında baş verib.

Belə ki, Cahid Quliyev həmin ərazidə avtomobili idarə edərkən zərərçəkmişi Hüseyn Bayramov onun hərəkətinə irad bildirib. Zərərçəkmiş şəxsin bu iradları təqsirləndirilən şəxsdə narazılıq və qəzəb yaradıb.

İttiham aktında qeyd olunur ki, Cahid yaranmış mübahisə fonunda istənilən narazılığı zor gücünə həll edə biləcəyini nümayiş etdirmək, özünü Hüseyndən üstün tutmaq və heç bir əsaslı səbəb olmadan xuliqanlıq niyyəti ilə hərəkət etmək qərarına gəlib.

Həmin vaxt o, etibarnamə əsasında idarə etdiyi və başqasına məxsus avtomobili qəfil qarşı tərəfə yönəldib.

Avtodayanacağın qarşısında divara söykənərək əyləşmiş Hüseyn Bayramov avtomobilin ön sol hissəsi ilə vurulub. Zərbə nəticəsində zərərçəkmiş şəxsin bədəninin müxtəlif nahiyələrində ağır xəsarətlər yaranıb.

Beləliklə, Cahid Quliyevə qarşı Cinayət Məcəlləsinin 126.2.4-cü maddəsi ilə, yəni xuliqanlıq niyyəti ilə qəsdən sağlamlığa ağır zərər vurma ittihamı irəli sürülüb.


Kamal Məmmədov

Paylaş:

Ən son xəbərlər